War-Saxaafadeed::Madaxwayne Siilaanyo Oo Maanta Xil-Ka Qaadis Iyo Magacaabis Ku Sameeyay Agaasimayaasha Wasaaradaha Hawlaha Guud Iyo Guryaynta Iyo Arimaha Gudaha Somaliland+Sii Akhri

 

War-saxaafadeed

Madaxweynaha Jamhuuriyadda Somaliland, Mudane, Axmed Maxamed Maxamuud (Siilaanyo) waxa uu Digreeto madaxweyne oo numberkeedu yahay  No. JSL/M/XERM/249-1329/092012 ku magacaabay Agaasimaha Guud ee Wasaaradda Arrimaha Gudaha JSL iyo Agaasimaha Guud ee Wasaaradda Hawlaha Guud, Guriyaynta iyo Gaadiidka JSL.

 

Madaxweynuhu:-

 

Markuu Arkay:                   Qodobka 90aad faqradiisa (3)aad, Xarafka (kh) ee Distoorka Qaranka,

 

Markuu Tixgeliyey:           Ahmiyadda ay Agaasimayaasha guud u leeyihiin Dhismaha Qaranka,

 

Markuu Arkay:                   In baahi loo qabo buuxinta jagadan hoos ku xusan.

 

Markuu La Tashaday:      Madaxda ay khusayso,

 

Markuu ku qancay:           Kartidiisa, Aqoontiisa iyo hufnaantiisa shaqo,

 

Wuxuu go’aansaday

 

1.     In Mudane, Cabdisamad Cumar Maal, laga bilaabo taariikhda maanta uu ahaado Agaasimaha Guud ee Wasaaradda Arrimaha Gudaha JSL.

2.     In Mudane, Xuseen Xaaji Axmed Yusuf, laga bilaabo taariikhda maanta uu ahaado Agaasimaha Guud ee Wasaaradda Hawlaha Guud, Guriyaynta iyo Gaadiidka JSL.

ALLAA MAHAD LEH

Axmed Saleebaan Maxamed (Dhuxul)

    Af-hayeenka Madaxtooyada JSL.

23/09/2012

 

War-saxaafadeed

Madaxweynaha Jamhuuriyadda Somaliland, Mudane, Axmed Maxamed Maxamuud (Siilaanyo) waxa uu Digreeto madaxweyne oo numberkeedu yahay no. JSL/M/XILQ/249-1331/092012, Xilkii kaga qaaday Agaasimihii Guud ee Wasaaradda Hawlaha Guud, Guriyaynta iyo Gaadiidka,Mudane, Shariif Libaax Muuse.

 

Ujeedo:      Xil-ka Qaadis

 

 Mudane,

 Waxa aan aad kaaga mahad celinyaa mudadii aynu soo wada shaqaynaynay. Xilka Qaranka ayay dabcigiisu yahay in ay meerto noqoto oo kolba cid hanan karta loo dhiibo.

 Sidaa darteed, waxaan gartay in aan kaa qaado xilka Agaasimaha Guud ee Wasaaradda Hawlaha Guud, Guriyeynta iyo Gaadiidka.

 Haddaba, waxaan kaa rajaynayaa in aad si niyad sami ah ugu wareejiso xilka Mudane Xuseen Xaaji Axmed Yusuf oo aan xilkaas u soo magacaabay.

 

 ALLAA MAHAD LEH

 

Axmed Saleebaan Maxamed (Dhuxul)

    Af-hayeenka Madaxtooyada JSL.

 

ALLAA MAHAD LEH

Categories: HOME

Post navigation

Comments are closed.

Create a free website or blog at WordPress.com.

%d bloggers like this: