Dawlada Dalkaasi Libiya Oo Sheegtay in Hubka Ka Dhigayso Maleeshiyooyinka Wali Madaxbanaan Sida Ugu Dhaqasaha Badan Ka Dib Markii Ay Hawlo Kharbudaada Ka Sameeyeen Dalkaasi.

Tripuli-(GRN) Dowlada Libiya ayaa warsaxaafadeed ay soo saartay habeenimadii Sabtidii ku sheegtay inay hubka ka dhigi doonto dhamaan maleeshiyaadka madaxa banaan ee ku sugan gudaha dalka Liibiya, ayadoo laga bilaabayo maleeshiyaadka ku sugan labada magaalo ee ugu weyn dalkaasi ee Tripoli iyo Benghazi.

Mohammed al-Megarief oo ah Guddoomiyaha Golaha Shacabka ee dalkaasi Liibiya ayaa sheegay in dhamaan maleeshiyaadka ku sugan goobaha bulshada iyo xarumaha dowlada inay isaga baxaan halkaasi, isla markaana ay mamnuuc tahay in wax hub ah banaanka loola soo baxo.

Ciidamada Dowlada Liibiya ayaa sidoo kale labo maalmood siiyey maleeshiyaadka hubeysan ee ku sugan qeybo kamid ah xarumaha Dowlada ee magaalada Caasimada ah ee Tripoli.

Tilaabadan ayaa imaaneysa kadib maalinimadii Jimcihii ay shacabka magaalada Benghazi ay xoog ku galeen xaruntii fariisinka u ahayd kooxda Ansaru Diin oo ayagu lagu eedeenayey inay ka danbeeyeen falkii lagu dilay Safiirkii Maraykanka oo ku sugnaa maalinimadii 11kii September Qunsuliyada Maraykanka ay ku leeyihiin caasimada labaad ee Benghazi.

Shacabkan gadoodsan oo qaarkood ay hubeysan yihiin ayaa sidoo kale weeraro ku qaaday xarun labaad oo ay ku sugan yihiin ciidamada hoostaga dowlada halkaasi oo iska horimaad ka dhacay ay ku dhinteen ugu yaraan 4 ruux.”

Garbodadarnews/Tiriibooli/Libiya

Categories: HOME

Post navigation

Comments are closed.

Create a free website or blog at WordPress.com.

%d bloggers like this: