Dhakhaatiir Caalamiya Oo Ka Timid Dalkaasi Kuwait Oo Maanta Ka Bilaabay Hawlo Baadhitaan Iyo Qaliin Dhakhtarka Al-Xayaat Ee Magaalada Boorama+SAWIRO

Boorama-(GRB) Waxaa maanta si rasmiya uga bilaabmay dhakhtarka caalamiga ah ee Al-Xayaat Hospital ee Magaalada Boorama  hawlihii baadhitaanada iyo qaliinada ee ay Samaynayaan dhakhaatiir caalamiya oo ka socday Jimciyatul Al-Cawnu Almubaashar oo laga leeyahay dalkaasi Kuwait.

Dhakhaatiirtan oo galinkii danbe ee shalay soo gaadhay magaalada Boorama ayaa isla saaka waxa ay baadhitaano iyo qaliimo u sameeyay dad kor u dhaafaya Boqol kuwaas 180 Qof kuwaas oo iskugu jiray , Caruur iyo dadka waawayn.

Dhakhaatiirtan caalamiga ah ee ka timid dalkaasi Kuwait ayaa sii joogi doono mudo todobaad ah kuwaas oo la filayo in ay qaliino casriya iyo baadhitaano kala duwan ka samayn doonaan dhakhtarkan caalamiga ah ee Al-Xayaat oo ay dhismaheeda maalgalisay ha’ayada Samafalka Caalamiga ah ee Amoud Foundation oo uu Gudoomiyaha Guud Ee hay’adani Prof: Maxamuud Faarax Cigaal uu maalmihii u danbeeyay ku sugnaa xarunta gobolka Awdal Ee Magaalada Boorama.

Dhakhaatiirtan maanta hawlaha Caafimaad ka bilaabay magaalada Boorama ayaa ka kooban 16 Dhakhtar kuwaas oo iskugu jira dhakhaatiirta Qaliinada guud iyo dhinaca baadhista xanuunada guud waxaana imaatinkooda iyo hawlgalkooda u fududeeyay saraakiil sarsare oo ka tirsan Hay’ada Amoud Foundation oo dhawaan booqasho ku tagay Magaalada Kuwait kuwaas oo uu horkacayay Prof: Fariid oo ah agaasimaha Guud ee dhakhtarkan Al-Xayaat.

Si kastaba ha ahaatee imaatinka dhakhaatiirtan gobolka Awdal oo ah markii ugu horeysay ayaa la filayaa in ay wax wayn ka qaban doonaan baahiyihii caafimaad ee dadwaynaha ku dhaqan Somaliland iyo gaar ahaan Goboladan Awdal/Selel ay u tagi jireen wadadam  dibada ee kharashka badan ku bixi jireen.”

undefinedundefinedundefinedundefinedundefined

Boorama/Garbodadarnews/Somaliland

Categories: HOME

Post navigation

Comments are closed.

Create a free website or blog at WordPress.com.

%d bloggers like this: