Golaha Wakiilada Somaliland Oo Maanta Ansixiyay Laba Xeer Oo Bulshada Somaliland U Muhiim Ah Kuwaas Oo Ay Ka Faa’iidaysan Doonaan ..

Hargeysa-(GRN) Mudanayaasha Golaha Wakiilada ayaa maanta ansixiyey laba Xeer oo kala ah Xeerka baadhista iyo ilaalinta Hilibka iyo Xeerka Waddo marista.

Fadhigan oo uu Shirguddoominayey Guddoomiye ku xigeenka koowaad ee Golaha Wakiiladda Baashe Maxamed Faarax, isla-markaana ay soo xaadireen 42 Mudane, ayaa waxa mudanayaashu cod u qaadeen labadaas xeer oo mid walba gaar loogu codeeyey.

Xeerka baadhista iyo ilaalinta Hilibka waxaa uogolaaday 35 Mudane waxaa diiday 2 Mudane waxaana ka aamusay 4 Mudane Gudoomiyahuna ma codayn sidaana waxaa ku ansaxay xeerka baadhista iyo ilaalinta Hilibka.

Xeerka labaad ee ee waddo marista waxaa ogolaaday 35 Mudane, Waxaa diiday 1 Mudane waxaana ka aamusay shan Mudane, Gudoomiyahuna ma codayn sidaasna waxaa ku ansaxay xeerka waddo marista Somaliland .

Gudoomiye Ku Xigeenka Koowaad ee Golahaasi Md Baashe Maxamed Faarax ayaa mudanayaasha ku wargeliyey in maalinta sabtida ah ee soo socota Goluhu yeelan doono fadhi balaadhan oo ay cod ugu qaadi doonaan ansixinta Wasiirrada Madaxweynuhu dhawaan magacaabay. 

Garbodadar/Hargeysa/Somaliland

Categories: Uncategorized

Post navigation

Comments are closed.

Blog at WordPress.com.

%d bloggers like this: